BETA TOMORO

Read Time:46 Second

www.facebook.com/WRRPoetry [Beta Tomoro]
Dem call am law
We take am raw
Dem say dem go school
And dem no go stop to loot..

How we people
wan tek akomplish mission
When we
nation no get vision?

Dem say na politics,
Why dem com dey play us tricks?
Dem say na govment fo di pipul
Oya make dem stop to fizzle

Dem go give us sack letter
Say make we come back later
How we wan tek be nation
If we dey lak notion?

Me ah neva si dis kain politics
With empty promises
How we wan know beta tin?
If dem no stop to giv us bita tin?

But make una no worry,
Very soon we go stop to hia sorry
Wen I become president
All we go dey si na excellence

Written by: Williams Enechojo UniqueGloria
Edited by: Kukogho Iruesiri Samson

About Post Author

admin

I am a member of the WRR editorial team.

By admin

I am a member of the WRR editorial team.

4 comments

  1. *Na big wok yu du o Puet Gloria, a trowe salot*

    BETA TOMORO (naija languej)

    Dem kol am loo
    Wi tek am roo
    Dem se dem go skul
    And dem no go stop to lut

    Hau wi pipu
    wan tek akonplish mishon
    Wen wi
    neshon no get vishon?

    Dem se na politiks
    Wai dem de ple os triks?
    Dem se na govment fo di pipu
    Oya mek dem stop to fizul

    Dem go giv os sak leta
    Se mek wi kom bak léta
    Hau wi wan tek bi neshon
    If wi de lak noshon?

    Mi a neva si dis kain politiks
    wit dem emti promis
    Hau wi wan nou beta tin
    If dem no stop to giv bita tin?

    Bot mek una no wori
    Veri sun wi go stop to hia sori
    Wen a bikom president
    Ol wi go de si na eselens

    1. Kukogho Iruesiri Samson – Abuja, Nigeria – I am a media professional with experience in multimedia journalism, book publishing, content creation, web management, public relations, media relations, social media management, and client relationship management. My interests include multi-platform content creation and management, media relations, digital and print publishing, and youth-oriented social services. I am open to middle-level positions in organizations that encourage innovation.
      Kukogho Iruesiri Samson says:

      yu do trai

  2. Oribhabor – Lagos – Mr Oribhabor was born and raised in Warri, South-South of Nigeria, an Essayist, Poet and member of Naija Langwej Akedemi. His first published book, Abuja Na Kpangba an oda puem dem (IFRA, 2011) ’’ is a collection of poems in Naija languej (Nigerian Pidgin). He is the Editor of If Yu Hie Se A De Prizin - antoloji of puem-dem fo Naija languej (2012). His forth-coming work, ‘’The Good Old Naija’’ is a collection of essays published in his column, ‘’Naija Langwej A-Z’’ in LEADERSHIP newspaper and The Market magazine, Abuja-Nigeria respectively while in Abuja. His personal blogsite is oribhabor.wordpress.com.
    Eriata Oribhabor says:

    I love this poem. Sounds like my kind of poem; change directed.

    I appreciate the writer and editor; Samson’s in pidgin English.

    However, please find a Niaja languej translation of same poem for further appreciation and comments.

    BETA TUMORO

    Dem kol am ”law”
    Wi tek am ”raw”
    Dem se dem go skul
    Dem no go stop to ”loot”…
    Hau wi pipul wan tek finish mata
    Wen wi neshon no sabi mata?

    Dem se na politiks…
    Dem de ple os ”trick”…
    Dem se na govment fo di pipul,
    Bot dem no sabi di pipul.

    Dem de giv os sak-leta
    Se mek wi kom bak afta
    Hau wi wan tek bi neshon
    If wi no gada eni akshon?

    A neva si dis kain politiks bifo
    Emti-kokon neva chenj from bifo.
    Hau wi wan nou beta tin
    Wen dem no de giv os beta tins?

    Trowe ol una wori,
    Una nem no de fo eni sori.
    Wen a bikom una President,
    Ol wi go de si, na selense.

    Hu rait am na: Williams Enechojo UniqueGloria
    Hu chenj am to Naija: Eriata Oribhabor
    Foto: Words Rhymes & Rhythm

    1. Kukogho Iruesiri Samson – Abuja, Nigeria – I am a media professional with experience in multimedia journalism, book publishing, content creation, web management, public relations, media relations, social media management, and client relationship management. My interests include multi-platform content creation and management, media relations, digital and print publishing, and youth-oriented social services. I am open to middle-level positions in organizations that encourage innovation.
      Kukogho Iruesiri Samson says:

      Wow, this is super Sir.

Say something about this post Cancel reply